作词 : 拉泽可索
作曲 : 岗嘎措
编曲 : 扎西才旦
ཡར་ཀི་དགུང་སྔོན་སྤྲིན་པའི་གདན་སྟེང་དུ།།
རྩལ་ཆེན་མཁའ་ལྡིང་ཞིག་ལ་ཁྱུང་ཕྲུག་སྟོང་།།
ཁྱུང་ཕྲུག་ལ་ལས་མཐོངས་སུ་ཡང་རྩལ་སྦྱངས།།
ཁྱུང་ཕྲུག་ལ་ལས་ནམ་མཁའ་རླབས་ཀྱིས་བསྐྱོད།།
ཧོ་་་་་་ཧོ་་་་་་།
སྐལ་མེད་ཁྱུང་ཕྲུག་ང་རྒྱང་གི་གནམ་མཐར་ལུས།།
ལྷོ་བཞུད་སྤྲིན་པ་མཐོང་དུས་དྲན་པ་བྱུང་།།
སྦྲང་ཆར་དལ་གྱིས་འཇོ་དུས་ཡང་དུ་དྲན།།
ཡར་ཀི་རབ་བརྗིད་གངས་རིའི་ལྟོང་ཤེད་དུ།།
གཡུལ་རྒྱལ་གདོང་ལྔ་ཞིག་ལ་སེང་ཕྲུག་སྟོང་།།
སེང་ཕྲུག་ལ་ལ་གངས་དཀར་རྩེ་རུ་འཕྱོ།།
སེང་ཕྲུག་ལ་ལས་སྡེར་ཆགས་ཟིལ་གྱིས་གནོན།།
ཧོ་་་་་་ཧོ་་་་་་།
ལས་ངན་སེང་ཕྲུག་ང་རྒྱང་གི་གངས་མཐར་ལུས།།
གངས་རིའི་དབུ་རྩེ་མཐོང་དུས་དྲན་པ་བྱུང་།།
དབུ་རྩེར་གཞའ་ཚོན་ཤར་དུས་ཡང་དུ་དྲན།།
ཕར་ཀི་རབ་མཛེས་ན་དམར་གསེར་གཞུང་དུ།།
སྟོབས་ལྡན་རྐྱང་དཀར་ཞིག་ལ་རྐྱང་ཕྲུག་སྟོང་།།
རྐྱང་ཕྲུག་ལ་ལས་ཨ་ཡན་ཐང་ཆེན་འགྲིམ།།
རྐྱང་ཕྲུག་ལ་ལས་རྩྭ་བཟང་ཆུ་མཆོག་རོལ།།
ཧོ་་་་་་ཧོ་་་་་་།
བསོད་ཟད་རྐྱང་ཕྲུག་ང་རྒྱང་གི་ས་མཐར་ལུས།།
བྱང་གི་གནམ་མཐའ་མཐོང་དུས་དྲན་པ་བྱུང་།།
བསིལ་བུ་ཡང་མོར་ལྡང་དུས་ཡང་དུ་དྲན།།
ཡར་ཀི་སྐྱོ་བྲག་བླ་མའི་གདན་ས་རུ།།
མཚན་ལྡན་བླ་མ་ཞིག་ལ་སློབ་མ་སྟོང་།།
སློབ་མ་ལ་ལས་ཐབས་གྲོལ་གདམས་ངག་མནོས།།
སློབ་མ་ལ་ལས་དབེན་པའི་རི་སུལ་ཉུལ།།
ཧོ་་་་་་ཧོ་་་་་་།
སློབ་མ་མདོ་མེད་ང་རྒྱང་གི་ས་མཐར་ལུས།།
ས་གའི་དུས་བཟང་ཚེས་དུས་བླ་མ་དྲན།།
གདམས་པའི་དཀོར་མཛོད་ཕྱེས་དུས་ཡང་དུ་དྲན།།
编辑于2023/12/17更新